د اشغال شویو سیمو لپاره د امریکا سفیر مایک هکابي د ټکر کارلسن سره په یوه مرکه کې، په ښکاره ډول د “نیل څخه تر فرات پورې” تاریخي او مذهبي ادعا دفاع وکړه او ویې ویل چې که اسراییل ټوله سیمه ونیسي نو هغه به کومه ستونزه ونلري.
د پیدایښت د ۱۵ فصل (کوم چې د نیل څخه تر فرات پورې ژمنه شوې ځمکه تشریح کوي) په حواله، ټکر کارلسن له هکابي څخه وپوښتل: ایا دا پدې معنی ده چې اسراییل ټول منځني ختیځ ادعا کوي؟
هکابي ځواب ورکړ: “که دوی دا ټول واخلي، زه به هیڅ ستونزه ونلرم؛ مګر زه فکر نه کوم چې دا هغه څه دي چې موږ نن ورځ پرې بحث کوو.”
هغه څو ځله ټینګار وکړ چې “خدای دا ځمکه دې خلکو (یهودیانو) ته ورکړې” او دا د انجیل آیتونه یې د ملکیت اصلي سند ګڼلی.
دا څرګندونې په داسې وخت کې راځي چې د “نیل څخه تر فرات پورې” مفهوم په صهیونیسټ ادب کې د لوی اسراییل د مثالي او تاریخي سرحدونو په توګه پیژندل کیږي، او د مصر، اردن، لبنان، سوریې، عراق او سعودي عربستان لویې برخې پکې شاملې دي.
د خبرونو پورې اړوند ویډیو د لاندې لینک څخه وګورئ
https://t.me/SafirTelevision1/29006
