په مشهد کې د افغانستان د اسلامي امارت قونسل جنرال مولوي نور محمد متوکل په ایران کې میشتو افغان سوداګرو او اقتصادي فعالانو له یوې ډلې سره ولیدل او خبرې یې وکړې.
د دې غونډې په جریان کې، قونسل جنرال په ایران کې میشتو افغان سوداګرو لخوا راپورته شویو ننګونو او ستونزو ته په کتو سره، په افغانستان کې د دوی د شتون او پانګونې اړتیا باندې ټینګار وکړ.
مولوي نور محمد متوکل په مشهد کې د افغانستان د قونسلګرۍ په ملاتړ د سوداګرو د ستونزو د ثبت او تعقیب لپاره د مشورتي شورا د جوړولو وړاندیز هم وکړ، چې په ایران کې میشتو افغان سوداګرو او اقتصادي فعالانو لخوا یې تود هرکلی وشو.
