نن، پنجشنبه (۲۳، ۱۴۰۴)، د کابل-بګرام سړک د جوړولو پروژه چې ۶.۲ کیلومتره اوږدوالی او شاوخوا ۵۰ متره پلنوالی لري، د لومړي وزیر د اقتصادي چارو مرستیال ملا عبدالغني برادر په شتون کې په رسمي ډول پرانیستل شوه.
ملا عبدالغني برادر دا سړک د کابل ښار د پروان ولایت او د هیواد د نورو شمالي ولایتونو سره نښلولو له مهمو لارو څخه یو وباله او ټینګار یې وکړ چې دا پروژه د نوي کابل د اساسي ترانسپورتي زیربناوو څخه ګڼل کیږي او د ښاري پراختیا، ټولنیزو او اقتصادي فعالیتونو پراختیا کې ځانګړی رول لري.
هغه زیاته کړه چې اسلامي امارت د ملي یووالي د پیاوړتیا او د پخوانیو ویشونو د له منځه وړلو لپاره کار کوي، او په دې برخه کې یو له بنسټیزو اقداماتو څخه تر شپږم ټولګي پورې د ښوونځیو د نصاب یووالی دی.
د لومړي وزیر د اقتصادي چارو مرستیال له خلکو وغوښتل چې افغانستان خپل ګډ کور وګڼي او بیرته راشي او په اوسني خوندي چاپیریال کې پانګونه وکړي.
هغه د سیمې او نړۍ هېوادونو ته هم بلنه ورکړه چې له افغانستان سره مثبت تعامل وکړي او په اقتصادي او سیمه ییزو اتصال برخو کې له شته فرصتونو څخه ګټه پورته کړي.
د دې سړک د جوړولو لګښت ۴۵۵ ملیون افغانۍ اعلان شوی چې د اسلامي امارت لخوا تمویل شوی دی.
