په بلخ ولایت کې د باج اخیستلو په تور ۷ کسان نیول شوي
د بلخ ولایت د پولیسو قوماندانۍ چارواکو اعلان وکړ چې د دې قوماندانۍ د جنایي جرمونو څانګې په تېره اونۍ کې اووه کسان د باج اخیستلو په تور نیولي دي.
د راپور له مخې، دغو کسانو د ټولنیزو شبکو واټس اپ، فیسبوک او نورو پلیټ فارمونو له لارې له خلکو څخه غیر اخلاقي عکسونه او ویډیوګانې ترلاسه کړې او بیا یې د خپرولو ګواښ سره له قربانیانو څخه پیسې غوښتې.
د پیژندلو او نیول کیدو وروسته، تورن کسان اوس مهال تر څیړنې لاندې دي او د دوی قضیه به ډیر ژر قضایي چارواکو ته وسپارل شي.
دا اقدام د اسلامي امارت د سایبري جرمونو، باج اخیستلو او د خلکو د امنیت او سولې د ساتلو لپاره د جدي هڅو سره سم دی.
