د افغانستان اسلامي امارت د فواید عامې وزارت اعلان وکړ چې د سالنګ لویه لاره د تېرې شپې له ۲:۴۰ بجو څخه د درنو واورو، طوفانونو او محدود لید له امله تر بلې خبرتیا پورې د ټولو مسافر وړونکو او بار وړونکو موټرو پر مخ په موقتي ډول تړل شوې ده.
دا پریکړه د مرګ ژوبلې او مالي زیانونو د مخنیوي لپاره شوې ده.
د وزارت چارواکو له خلکو غوښتي چې د بیا پرانیستلو تر اعلان پورې سالنګ ته له سفر کولو ډډه وکړي.
د لویې لارې دواړو غاړو ته ټول موټرونه ایستل شوي دي او د سالنګ د ساتنې او څارنې ریاست پرسونل چمتو دي چې د طوفان له کمیدو او د هوا د ښه کیدو وروسته سړک پاک کړي او لویه لاره بیرته پرانیزي.
د خبرونو اړوند ویډیو د لاندې لینک څخه وګورئ
https://t.me/SafirTelevi
