د افغانستان د سولې لپاره د امریکا پخوانی ځانګړی استازی زلمی خلیلزاد د یکشنبې په ورځ (۷ مرغومې ۱۴۰۴) کابل ته راغی او د افغانستان د اسلامي امارت د بهرنیو چارو له وزیر مولوي امیرخان متقي سره یې ولیدل او خبرې اترې یې وکړې.
په دې غونډه کې دواړو لوریو د افغانستان او امریکا ترمنځ د دوه اړخیزو اړیکو د پراختیا لپاره د لارو چارو او فرصتونو او همدارنګه د شته ننګونو په اړه نظرونه تبادله کړل.
امیرخان متقي وویل چې د بهرنیو ځواکونو له وتلو او د جګړې له پای ته رسیدو وروسته، د کابل او واشنګټن ترمنځ اړیکې یوې نوې مرحلې ته داخلې شوې دي او د خبرو اترو له لارې د اړیکو د پرمختګ لپاره مناسب فرصتونه شتون لري.
زلمی خلیلزاد د افغانستان د امنیت او بیارغونې په برخه کې د شوي پرمختګ ستاینه هم وکړه او د دوه اړخیزو خبرو اترو په دوام او دوام یې ټینګار وکړ.
دا غونډه د افغانستان او امریکا ترمنځ د اړیکو د پیاوړتیا لپاره د هڅو سره سم ترسره شوه.
