د افغانستان بانک اعلان کړی چې دوی د آنلاین سوداګرۍ پلیټ فارمونو لپاره هیڅ جواز نه دی صادر کړی، په ځانګړي توګه د فاریکس او بهرنیو اسعارو سکتورونو کې، او دا فعالیتونه د جدي مالي خطرونو له امله غیرقانوني ګڼل کیږي.
د مرکزي بانک ویاند حسیب الله نوري ټینګار وکړ چې هغه اشخاص او شرکتونه چې پدې فعالیتونو کې ښکیل دي د قانوني چلند سره به مخ شي.
د کابل یو شمیر اوسیدونکي چې د دې پلیټ فارمونو قرباني شوي دي دوی درغلي ګڼي.
متخصصین د چټکو ګټو د ژمنو په اړه خبرداری ورکوي او د مالي سواد زیاتولو او د آنلاین پلیټ فارمونو څارنه ټینګار کوي ترڅو ځوانان له مالي زیان څخه وژغوري.
