د افغانستان اسلامي امارت د کورنیو چارو وزارت د ترافیکو عمومي ریاست خبرداری ورکړی چې د لوګي تولیدونکو موټرو کنټرول به په جدي توګه تعقیب کړي.
د پنجشنبې په ورځ (۲۷ د لیندۍ ۱۴۰۴) په یوه اعلامیه کې، دې ادارې د لوګي تولیدونکو موټرو مالکینو څخه وغوښتل چې د چاپیریال پاکوالي ساتلو او د مختلفو ناروغیو د خپریدو مخنیوي لپاره د خپلو موټرو تخنیکي ستونزې حل کړي.
په اعلامیه کې ټینګار شوی چې که کوم اقدام ونه شي، نو دا موټر به ودرول شي او د دوی له مالکینو سره به قانوني چلند وشي.
دا اقدام د هوا د ککړتیا کمولو او د ښاریانو د روغتیا ساتنې لپاره ترسره کیږي، پداسې حال کې چې د موټرو د لوګي له امله رامینځته شوې ککړتیا د کابل په څیر لویو ښارونو کې د تنفسي ستونزو یو له اصلي لاملونو څخه دی.
