د عمران خان ماشومان: موږ د خپل پلار د ژوندي پاتې کېدو په اړه اندېښمن یو؛ موږ به هغه بیا ژوندی ونه وینو
د پاکستان د پخواني لومړي وزیر عمران خان دوه ماشومان قاسم او سلیمان خان د سکای نیوز سره په یوه ځانګړې مرکه کې د خپل پلار د وضعیت په اړه ژوره اندیښنه څرګنده کړه او ویې ویل چې دوی شک لري چې هغه به بیا ژوندی وویني.
دوی د سکای نیوز خبریال یلدا حکیم ته وویل چې دوی د اګست ۲۰۲۳ راهیسې له خپل پلار سره هیڅ اړیکه نه ده نیولې او عمران خان په یوه زندان کې ساتل کیږي چې د “مرګ د سزا” په څیر شرایط لري.
د عمران خان د ماشومانو دا څرګندونې وروسته له هغه راغلې چې راپورونه خپاره شول چې احتمال لري هغه په زندان کې ووژل شي یا له منځه یوړل شي.
عمران خان له ۲۰۲۳ راهیسې په زندان کې دی او د لسګونو قانوني قضیو سره مخ دی چې د پاکستان تحریک انصاف ګوند سیاسي او جعلي ګڼي.
د عمران خان ملاتړو په وار وار په زندان کې د هغه د خوندیتوب په اړه خبرداری ورکړی، او دې مرکې د پاکستان د اپوزیسیون د مشر د روغتیا او امنیت په اړه اندیښنې راپورته کړې دي.
