د اوکراین د داخلي امنیت خدماتو (SBU) ادعا کړې چې په تاریخ کې د لومړي ځل لپاره، د “سب سی بیبي” په نوم د اوبو لاندې ډرونونو په کارولو سره، دوی د تور سمندرګي په نووروسیسک بندر کې د روسیې کیلو کلاس اوبتل (پروژه 636.3 ورشویانکا) په نښه کړ، چې جدي زیان یې ورساوه او په مؤثره توګه یې غیر فعال کړ.
اوبتل د څلورو کالیبر کروز توغندیو لانچرونو د لیږدولو توان درلود، کوم چې روسیه د اوکراین په خاوره د برید لپاره کاروي.
د اوکراین د داخلي امنیت خدماتو ټینګار وکړ چې کښتۍ د روسیې د تور سمندرګي په بیړۍ باندې د پخوانیو اوکرایني بریدونو له امله د اشغال شوي کریمیا له سیواستوپول څخه نووروسیسک ته لیږدول شوې وه.
د SBU لخوا خپره شوې ویډیو د هغه بندر ته نږدې د یوې قوي چاودنې شیبه ښیې چیرې چې اوبتل او نورې کښتۍ لنگر اندازې وې.
