په پاکستان کې د افغانستان د اسلامي امارت سفیر سردار احمد شکیب د دوشنبې په ورځ (د ۲۰۲۵ کال د دسمبر په ۸مه) په افغانستان کې د مصر د غیر میشت سفارت پخواني قونسل محمد حلیم او د هغه ځای ناستي محمد ممدوح سره ولیدل.
په دې کتنه کې دواړو خواوو د افغانستان او مصر ترمنځ د دوه اړخیزو اړیکو په اړه په تفصیل سره خبرې وکړې.
محمد حلیم د خپل ماموریت د پای ته رسیدو په مناسبت د افغان سفیر سره خدای پاماني وکړه او د افغان چارواکو د همکارۍ ستاینه یې وکړه، ټینګار یې وکړ چې مصر او افغانستان دوه وروڼه هیوادونه دي او د دوی اړیکې باید نورې هم پیاوړې شي.
سردار احمد شکیب د مصر د ملاتړ او د اړیکو په پراختیا کې د ښاغلي حلیم د رول څخه مننه وکړه، د هغه ځای ناستي ته یې هرکلی ووایه او هیله یې څرګنده کړه چې د سوداګرۍ، تعلیم، سکالرشپونو، د خلکو ترمنځ د تبادلې او نورو اړوندو برخو کې دوه اړخیزه همکاري به پراخه شي.
