د دوحې د ۲۳مې فورم په څنډه کې، د لومړي وزیر سلاکار او د قطر د بهرنیو چارو وزارت رسمي ویاند، مجید محمد الانصاري، د افغانستان لپاره د ازبکستان د ولسمشر له ځانګړي استازي عصمت الله ارګاشیف سره ولیدل او خبرې اترې یې وکړې.
د قطر د بهرنیو چارو وزارت اعلان وکړ چې په دې غونډه کې دواړو خواوو د دوه اړخیزو اړیکو د پیاوړتیا، د سیمه ییزې همکارۍ د پراختیا، د افغانستان د وضعیت په اړه د ګډې همغږۍ او د نورو علاقې وړ مسلو په اړه نظرونه تبادله کړل.
دا غونډه د دوحې فورم د دوهمې ورځې د اصلي بحثونو له پیل څخه یوه ورځ مخکې ترسره شوه، چې پکې به د افغانستان وضعیت د خبرو اترو اصلي تمرکز وي.
