د روسیې ولسمشر ولادیمیر پوتین د هندي رسنۍ “جمهوري” سره په مرکه کې اعلان وکړ چې د افغانستان اسلامي امارت د هیواد په وضعیت بشپړ کنټرول لري او نړیواله ټولنه باید دا حقیقت ومني.
د اسلامي امارت د فعالیت ستاینه وکړه، پوتین وویل: “د افغانستان اوسني مشران وړ او مسؤل خلک دي چې په ښکاره ډول د ترهګرۍ سره مبارزه کوي، په ځانګړې توګه د داعش ډلې سره، او د مخدره توکو (تریاک) تولید یې د پام وړ کم کړی دی.”
د روسیې ولسمشر ټینګار وکړ چې هر هغه هیواد چې غواړي د افغانستان او سیمې په ثبات کې مثبت او رغنده رول ولوبوي باید د روسیې په څیر د اسلامي امارت سره مستقیم او واقعیتي اړیکه ولري.
د پوتین څرګندونې په داسې وخت کې راځي چې مسکو په وروستیو میاشتو کې له کابل سره خپلې اړیکې د پام وړ پراخې کړې دي او د روسیې د منع شویو سازمانونو له لیست څخه یې د اسلامي امارت (طالبان) نوم لرې کړی دی.
