د افغانستان د اسلامي امارت لومړي وزیر ملا محمد حسن اخوند د چهارشنبې په سهار (۱۲ د لیندۍ ۱۴۰۴) د کابل په ګلخانه ماڼۍ کې په یوه رسمي مراسمو کې د قطر د نوي سفیر ښاغلي مردیف بن علي القشوتي باورلیک ومانه.
لومړي وزیر د قطر نوي سفیر ته ښه راغلاست ووایه او هیله یې څرګنده کړه چې د هغه د ماموریت پیل به د دواړو هیوادونو ترمنځ د ډیپلوماتیکو اړیکو د لا پیاوړتیا لامل شي.
د افغانستان او قطر ترمنځ تاریخي اړیکو ته په اشارې سره، هغه په سختو شرایطو کې د دوحې د همکارۍ ستاینه وکړه او ویې ویل: “خدای دې وکړي چې زموږ اړیکې او همکاري نوره هم ښه شي او پرمختګ وکړي.”
د قطر سفیر ښاغلي القشوتي د خپل نوي ماموریت څخه د رضایت په څرګندولو سره وویل: “دا زما لپاره ویاړ دی چې په افغانستان کې د قطر د سفیر په توګه دنده ترسره کوم او زه ژمنه کوم چې د دوه اړخیزو اړیکو او همکارۍ د لا پیاوړتیا لپاره دوامداره هڅې وکړم.”
مراسم په دوستانه فضا کې ترسره شول، او دواړو خواوو د هر اړخیزې همکارۍ په پراختیا ټینګار وکړ.
