وال سټریټ ژورنال د باخبرو سرچینو په حواله راپور ورکړ چې ډونالډ ټرمپ د تیرې اونۍ په وروستیو کې د وینزویلا ولسمشر نیکولاس مادورو ته په مستقیم تلیفوني اړیکه کې خبرداری ورکړ چې که هغه استعفا ورنکړي نو متحده ایالات به د کاراکاس پر وړاندې پوځي اقدام وکړي.
د ورځپاڼې په وینا، په دې لنډ او تیزو خبرو اترو کې، ټرمپ مادورو ته وویل چې “یا تاسو په خپله خوښه واک پریږدئ یا تاسو به د متحده ایالاتو له پوځي برید سره مخ شئ.”
د کاراکاس په سمدستي غبرګون کې، د وینزویلا د بهرنیو چارو وزارت د خبر له خپریدو څو ساعته وروسته په کلکه بیان خپور کړ، د ټرمپ ګواښ یې “دښمنانه، یو اړخیزه او په بشپړه توګه د نړیوالو قوانینو د اصولو خلاف” وباله او ټینګار یې وکړ: “هیڅ بهرنی ځواک حق نلري چې په کورنیو چارو کې مداخله وکړي، د وینزویلا ملي حاکمیت، ځمکنۍ بشپړتیا یا هوایی ډګر ګواښ کړي.
“وینزویلا په کلکه د متحده ایالاتو یا کوم بل هیواد څخه هر ډول امر، ګواښ یا مداخله ردوي.”
