د میدان وردګو ولایت د پولیسو قوماندانۍ اعلان وکړ چې د دې ولایت په سید آباد ولسوالۍ کې په یوه ترافیکي پېښه کې یوه ښځه وژل شوې او دوه نور ټپیان شوي دي.
د امنیه قوماندانۍ د مطبوعاتي اعلامیې له مخې، دا پېښه د جمعې په ورځ (۷ لیندۍ ۱۴۰۴) له غرمې مخکې د کابل-کندهار په لویه لاره د سید آباد ولسوالۍ په دشت ټاپ سیمه کې هغه مهال رامنځته شوه چې یو مازدا موټر له سراچه موټر سره ټکر وکړ.
د پېښې ټپیان د امنیتي ځواکونو لخوا نږدې روغتیايي مرکز ته لیږدول شوي دي.
د میدان وردګو ولایت د پولیسو قوماندانۍ له موټر چلوونکو څخه غوښتي چې د داسې غمجنو پیښو د مخنیوي لپاره د ترافیکي قوانینو اطاعت وکړي.
