د دوشنبې په ورځ (د لیندۍ ۳ مه ۱۴۰۴) سهار شاوخوا ۸ بجې، څلورو وسله والو بریدګرو، چې دوه ځانمرګي پکې شامل وو، د خیبر پښتونخوا ایالت په مرکز پیښور کې د حیات آباد په سیمه کې د سرحدي ځواکونو (FCn) په مرکزي دفتر د برید هڅه وکړه.
د پاکستاني رسنیو د راپورونو له مخې، برید هغه وخت پیل شو کله چې یو بریدګر د کمپلیکس په اصلي دروازه کې ځانمرګی واسکټ وچاوه.
درې نورو بریدګرو هڅه وکړه چې مرکزي دفتر ته ننوځي خو د امنیتي ځواکونو د چټک غبرګون له امله ودرول شول او په ډزو ووژل شول.
تر اوسه پورې، ټول څلور بریدګر وژل شوي او د سیمې د پاکولو او لټون عملیات روان دي.
په دې پیښه کې، د سرحدي ځواکونو درې پرسونل وژل شوي او پنځه نور، چې دوه ملکي وګړي هم پکې شامل دي، ټپیان شوي دي.
تر اوسه پورې، هیڅ ډلې د برید مسؤلیت نه دی منلی.
د لاندې لینک څخه د خبرونو پورې اړوند ویډیو وګورئ
https://t.me/SafirTelevi
