رویټرز د باخبره سرچینو په حواله راپور ورکړی چې ترکیه به په 2026 کې د ملګرو ملتونو د اقلیم د بدلون 31م کنفرانس (COP31) کوربه وي، چې آسټرالیا به د بین الحکومتي خبرو اترو مشري کوي.
ترکیه او آسټرالیا دواړه له 2022 راهیسې د ملګرو ملتونو د اقلیم د کلنۍ غونډې کوربه توب لپاره سیالي کوي.
دا پریکړه په داسې حال کې کیږي چې په برازیل کې د COP30 خبرې اترې لا په رسمي ډول پای ته نه دي رسیدلي.
د یادونې وړ ده چې د COP30 اوسنۍ غونډې ته د افغانستان هیڅ استازی نه دی بلل شوی، دا هغه مسله ده چې د هیواد د ملي چاپیریال ساتنې ادارې لخوا په کلکه نیوکه شوې ده.
