د لبنان په سویل کې د عین الحلوه د فلسطیني کمپ زرګونو اوسیدونکو د چهارشنبې په ورځ (۲۸ د لړم ۱۴۰۴) د “غضب لاریون” په نوم په یوه لویه لاریون کې ګډون وکړ ترڅو د صهیونیسټ رژیم د فوټبال په تالار کې د بمبارۍ او د ۱۴ ملکي وګړو د وژلو جرم وغندي.
د فلسطین او لبنان بیرغونه او د شهیدانو انځورونه په لاس کې وو، لاریون کونکو د صهیونیسټ اشغال او د بې دفاع خلکو د وژنې په وړاندې شعارونه ورکړل، او د دې جرم په وړاندې د مقاومت څخه یې د پرېکنده ځواب غوښتنه وکړه.
په عین حال کې، د اسلامي مقاومت غورځنګ حماس یوه رسمي اعلامیه خپره کړه، چې د اسراییلي پوځ دا ادعا یې په کلکه رد کړه چې د فوټبال تالار په نښه شوی “د حماس پورې اړوند پوځي او تعلیمي کمپلیکس” و.
حماس ټینګار وکړ چې د بمبارۍ ځای د عامه سپورت یو تالار و چیرې چې عادي اتباع او د کمپ ځوانان د فوټبال لوبه کوله، او دا د نظامي فعالیتونو سره هیڅ تړاو نلري.
د خبرونو اړوند ویډیو د لاندې لینک څخه وګورئ
https://t.me/SafirTelevision1/26868
