د هیواد د ۱۷ کلنو فوټسال ملي لوبډله، چې د ۲۰۲۵ کال د اسیایي لوبو نوی اتل شو، نن د کابل هوايي ډګر ته راورسېده او د سپورت چارواکو او د اسلامي امارت د چارواکو له خوا یې تود هرکلی وشو.
دغو ځوانانو په بحرین کې د اسیا د ځوانانو د لوبو په فاینل کې د ایران په وړاندې د ۲-۱ تاریخي بریا سره د افغانستان د فوټسال لومړی د سرو زرو مډال وګاټه.
د یادونې وړ ده چې دوی مخکې په نیمه پای لوبه کې تایلینډ ته د ۹-۱ په پریکنده نمرې سره ماتې ورکړې وه.
