د افغانستان د کانونو او پټرولیم وزیر هدایت الله بدري د پنجشنبې په ورځ (۱ لړم ۱۴۰۴) په کابل کې د سعودي ډیلټا انټرنیشنل شرکت له اجرایوي رییس شهر التقي سره ولیدل.
په دې غونډه کې، د ډیلټا انټرنیشنل شرکت رییس، د افغانستان د تیلو او ګازو په سکتور کې پانګونې ته لیوالتیا ښودلو سره، د ټاپي (ترکمنستان-افغانستان-پاکستان-هند) د ګازو د پایپ لاین پراختیا پروژې کې د ګډون لپاره د شرکت لیوالتیا اعلان کړه.
د کانونو او پټرولیم وزارت د ویاند د یوې مطبوعاتي اعلامیې له مخې، ښاغلي بدري په دې غونډه کې ټینګار وکړ چې د افغانستان اسلامي امارت د سعودي عربستان پانګوالو سره د ګډې همکارۍ هرکلی کوي او چمتو دی چې په ستراتیژیکو سکتورونو کې د پانګونې لپاره اړینې اسانتیاوې برابرې کړي.
دا غونډه د انرژۍ په سکتور کې د بهرنۍ پانګونې د راجلبولو او د ټاپي پایپ لاین په څیر د زیربنایي پروژو د پیاوړتیا لپاره د افغان حکومت د هڅو سره سم ترسره شوه.
