د حماس پوځي څانګې عزالدین القسام لواګانو تیره شپه په غزه ښار کې د سره صلیب نړیوالې کمیټې (ICRC) ته د اسراییلي بندیانو دوه نور جسدونه وسپارل.
د الجزیرې په وینا، دا اقدام د بندیانو د تبادلې او اوربند تړون په چوکاټ کې ترسره شو.
حماس په یوه بیان کې ټینګار وکړ: “موږ د بندیانو د تبادلې او اوربند تړون کې خپلو ټولو ژمنو ته غاړه ایښې ده.”
دا سپارل د ګوندونو ترمنځ د وروستیو تړونونو د پلي کولو په برخه کې یو نوی ګام دی او کولی شي د سولې خبرو اترو پرمختګ کې مرسته وکړي.
