د طبیعي پیښو سره د مبارزې ملي ادارې اعلان وکړ چې په کابل، لغمان او کاپیسا ولایتونو کې د وروستیو بارانونو او سیلابونو له امله ۷۲۱ کورنۍ اغیزمنې شوې دي.
د دې ادارې ویاند محمد یونس حماد وویل چې په تیرو ۴۲ ساعتونو کې ۱۸ استوګنیز کورونه په بشپړه یا جزوي ډول ویجاړ شوي، له ۲۴۰۰ جریبه څخه زیاته کرنیزه ځمکه ویجاړه شوې، او باغ لرونکو ته هم درانه زیانونه اوښتي دي.
هغه زیاته کړه: “پنځه کیلومتره سړکونه ویجاړ شوي او په یوه چرګانو فارم کې درې زره چرګان مړه شوي دي.”
د دې ولایتونو اوسیدونکو د کرنیزو او باغدارۍ فصلونو د ویجاړیدو په اړه اندیښنه څرګنده کړې او له حکومت څخه یې د بیړنۍ مرستې غوښتنه کړې ده.
په ورته وخت کې، د هوا پېژندنې ادارې خبرداری ورکړی چې د هیواد ۱۷ ولایتونه د درنو بارانونو، قوي بادونو، بریښنا او د نویو سیلابونو د خطر سره مخ دي.
چارواکو له خلکو وغوښتل چې احتیاطي تدابیر ونیسي.
