د هرات والي مطبوعاتي دفتر اعلان وکړ چې د هرات ولایت د اسلام کلا پوله په صفر نقطه کې د کډوالو لپاره د لنډمهاله استوګنځایونو کمپونو جوړولو پروسه دوام لري او دا اسانتیاوې به ډیر ژر بشپړې شي.
د مطبوعاتي اعلامیې له مخې، تر اوسه پورې دوه نوي کمپونه او څلور سرپناهونه چې ټولټال ۱۶۰۰۰ کسان پکې ظرفیت لري جوړ شوي دي، او درې خونې چې ټولټال ۱۱۰۰۰ کسان پکې ظرفیت لري هم بشپړې شوي دي.
همدارنګه، یو لوی معیاري پخلنځی چې هره ورځ د ۲۰۰۰۰ کسانو لپاره خواړه پخوي، ۲۰ بارکونه، ۱۲۰ خیمې چې د ۱۲۰۰ کسانو ظرفیت لري، او شپږ انتظار خونې چې د ۱۸۰۰۰ کسانو ظرفیت لري د راستنیدونکو کډوالو د لنډمهاله استوګنځای لپاره چمتو شوي دي.
دا اسانتیاوې په ټولیزه توګه ۴۱۴۰۰ کسانو ته د استوګنې امکان برابروي او د کډوالو لپاره اساسي خدمات تضمینوي.
په خبرپاڼه کې زیاته شوې ده چې تر اوسه پورې د دې تاسیساتو په جوړولو شاوخوا ۷۰ میلیونه افغانۍ لګول شوي دي.
د اسلام کلا پولې له لارې د کډوالو د پراخ راستنیدو له پیل راهیسې، اسلامي امارت یو ملیارد افغانۍ مستحقو کسانو ته ویشلي او ۱۵۰۰۰ کسانو ته یې د کار زمینه برابره کړې ده.
