د امریکا ولسمشر ډونالډ ټرمپ د پنجشنبې په ورځ (۲۷ وږي ۱۴۰۴) په انګلستان کې په یوه خبري کنفرانس کې اعلان وکړ چې د هغه اداره هڅه کوي چې په افغانستان کې د بګرام هوايي اډه بیرته ونیسو.
هغه یو ځل بیا په ۲۰۲۱ کال کې د امریکایي ځواکونو د وتلو پرمهال د اډې د سپارلو په اړه د پخواني ولسمشر جو بایډن نیوکه وکړه او دا یې “بشپړ ناورین” وباله.
چین ته د جغرافیایي نږدېوالي له امله د بګرام اډې ستراتیژیک اهمیت باندې ټینګار کولو سره، ټرمپ وویل: “موږ هڅه کوو چې دا بیرته ونیسو ځکه چې دا د هغه ځای څخه یو ساعت لرې دی چې چین خپلې اټومي وسلې تولیدوي.”
هغه زیاته کړه چې بګرام د نړۍ یو له لویو هوايي اډو څخه و چې پراخه زیربناوې لري، پشمول د اوږدې ځغاستې لارې او ۵۰ بستریز روغتون.
په هرصورت، ټرمپ د بګرام اډې د بیرته نیولو په اړه جزئیات نه دي ورکړي.
