د لوګر ولایت د پولیسو قوماندان د محمد اغا ولسوالۍ په “دولت کلا” سیمه کې د غلا او قتل په تور د شپږو کسانو د نیولو اعلان وکړ.
د لوګر امنیه قوماندان ملا اغا ولي نوراني خبریالانو ته وویل چې د دې ولسوالۍ امنیتي او استخباراتي ځواکونو پرون دا کسان ونیول.
د هغه په وینا، شکمنو کسانو د عبدالله په نوم له یو کس څخه ۵۰۰۰۰ افغانۍ غلا کړې او بیا یې وژلی دی.
ښاغلي نوراني زیاته کړه چې نیول شویو کسانو په خپل جرم اعتراف کړی او ډیر ژر به عدلي او قضايي ادارو ته معرفي شي.
د دغو شکمنو کسانو د رسنیو په وړاندې د خپل جرم اعتراف هم وکړ.
د یادونې وړ ده چې تیره اونۍ د لوګر پولیسو د ولایت په مرکز پل علم ښار کې د غلا په تور درې کسان نیولي وو.
دا اقدامات د امنیتي ځواکونو د دوامداره هڅو منعکس کوي چې په دې ولایت کې امنیت ډاډمن کړي او د جرمونو سره مبارزه وکړي.
