د روسیې د بیړنیو حالاتو وزارت اعلان وکړ چې د هیواد د بشري مرستو لومړۍ بار، چې ۲۰ ټنه خواړه پکې شامل دي، د افغانستان زلزله ځپلو ته لیږل شوی دی.
د تاس خبري اژانس په وینا، دا بار د مسکو د ژوکوفسکي هوایی ډګر څخه کابل ته د Il-76 الوتکې په واسطه لیږدول شوی.
دا اقدام د روسیې د ولسمشر ولادیمیر پوتین په امر او د هیواد د حکومت سره په همغږۍ ترسره شوی.
د روسیې د بیړنیو حالاتو وزارت اعلان وکړ چې په راتلونکو ورځو کې به افغانستان ته د بشري مرستو لیږدونکې لږترلږه یوه بله الوتکه واستوي.
