د اسلامي امارت د ویاند مرستیال حمدالله فطرت په وینا، د کنړ ولایت په نورګل، دره مزار، چوکي، دره دیوه ګل، دره چپه او مانوګي ولسوالیو کې د ویجاړونکې زلزلې وروسته، د ۲۲۰۵ کسانو جسدونه د کنډوالو لاندې را ایستل شوي او ۳۶۴۰ نور ټپیان شوي دي.
د لټون او ژغورنې عملیات لاهم روان دي او د ټپیانو د ځای پر ځای کولو لپاره خیمې لګول شوي دي.
د ښاغلي فطرت په وینا، لومړنۍ مرستې او بیړنۍ مرستې هم په منظم ډول زلزله ځپلو سیمو ته لیږل کیږي.
