د کریملین د بهرنیو چارو سلاکار یوري اوشاکوف د دوشنبې په ورځ (د وږی، ۱۰ ۱۴۰۴) اعلان وکړ چې د روسیې د ولسمشر ولادیمیر پوتین او د امریکا د ولسمشر ډونالډ ټرمپ ترمنځ د اوکراین د ولسمشر ولادیمیر زیلینسکي سره د لیدنې یا د درې اړخیزې غونډې د تنظیم کولو لپاره هیڅ موافقه نه ده شوې.
دا څرګندونې د رسنیو د هغو اټکلونو په ځواب کې راغلې چې د روسیې او اوکراین په خبرو اترو کې د امریکا د منځګړیتوب امکان په اړه دي.
اوشاکوف ټینګار وکړ چې په دې کچه هر ډول خبرې اترې د ځانګړي چوکاټ په اړه چمتووالي او موافقې ته اړتیا لري.
