په مزار شریف کې د روضه زیارت د ختیځې دروازې مخې ته د یوې زینتي منار جوړول د ۳.۵ میلیونه افغانیو په لګښت پیل شوي دي.
دا پروژه چې د مزار شریف ښاروالۍ لخوا او د زاړه ترکستان لوژستیک شرکت په مالي ملاتړ پلي کیږي، د مزار شریف ښاروال حافظ عبدالرحمن همت، د لومړۍ ناحیې مدیر مولوي عبدالحکیم، د دریمې ناحیې مدیر مولوي جلال جوهري، د یاد شوي شرکت استازو، وکیلانو او یو شمیر ښاریانو په شتون کې پرانیستل شوه.
د مزار شریف ښاروال حافظ عبدالرحمن همت وویل چې دا منار د بلخ د والي الحاج محمد یوسف وفا په امر د ښار د ښکلا او د ښاریانو لپاره د کار فرصتونو د رامینځته کولو لپاره جوړیږي.
هغه زیاته کړه چې د مزار شریف ښاروالۍ پلان لري چې سږ کال د ښار په بیلابیلو برخو کې د خصوصي سکتور په همکارۍ په معیاري ډول ۱۱ نور منارونه جوړ کړي.
د زوړ ترکستان لوژستیک شرکت استازي، د پانګونې فرصت برابرولو لپاره د ښاروالۍ څخه مننه وکړه، ژمنه یې وکړه چې د دې منار جوړول به په دوو میاشتو کې بشپړ شي.
