د اسلامي امارت د اقتصادي چارو مرستیال، ملا عبدالغني برادر اخند، د یکشنبې په ورځ (۹ وږی ۱۴۰۴) د سالنګ د لویې لارې د بیارغونې بهیر څخه لیدنه وکړه.
د فواید عامې وزارت او قراردادي شرکتونو د هڅو ستاینه وکړه، او ټینګار یې وکړ چې د دې مهمې لویې لارې پاتې کارونه باید د ژمي له پیل څخه مخکې د کیفیت معیارونو سره سم بشپړ شي.
د فواید عامې وزارت او قراردادي شرکتونو چارواکو ډاډ ورکړ چې د سالنګ د لویې لارې د بیارغونې پروژه د ټولو کیفیت معیارونو سره سم ترسره کیږي او د سږ کال کاري پلانونه به د ژمي له پیل څخه مخکې بشپړ شي.
د راپورونو له مخې، د جنوبي سالنګ د لسمې څخه تر پنځلسمې ګالریو بیارغونه بشپړه شوې او په ټولیز ډول د جنوبي سالنګ د بیارغونې ۵۵ سلنه کار پرمختګ کړی دی.
بشپړ شوي ګالریونه د ۸۵ سانتي مترو په ضخامت او غوره کیفیت سره کانکریټ شوي دي. همدارنګه، د شمالي سالنګ د لویې لارې بیارغونه هم په چټکۍ سره روانه ده.
