د ننګرهار ولایت سیمه ییزو چارواکو اعلان وکړ چې په دې ولایت کې د سختو بارانونو او سیلابونو له امله لږ تر لږه پنځه کسان مړه شوي او اته نور ټپیان شوي دي.
د ننګرهار د اطلاعاتو او کلتور ریاست د معلوماتو رییس صدیق الله قریشي بدلون د شنبې په ورځ ( ۸ د وږی ۱۴۰۴) وویل چې سیلابونه په روداتو، هسکه مینه او چپرهار ولسوالیو کې راغلي او درانه زیانونه یې اړولي دي.
د هغه په وینا، په دې سیمو کې زرګونه جریبه کرنیزه ځمکه، عامه سړکونه او څو پلچکونه ویجاړ شوي دي.
د زیانونو د دقیقې اندازې یا د مرستې هڅو په اړه نور جزئیات نه دي ورکړل شوي، مګر سیمه ییزو چارواکو اعلان کړی چې د زیانونو د ارزونې او زیانمنو شویو کسانو سره د مرستې لپاره هڅې روانې دي.
دې پیښې یو ځل بیا د هیواد د ختیځو سیمو د طبیعي پیښو لکه سیلابونو زیانمنونکي حالت روښانه کړی دی.
د خبرونو اړوند ویډیو د لاندې لینک څخه وګورئ
https://t.me/SafirTelevision1/25166
