د روسیې د توغندیو له برید وروسته په کیف کې د بایرکتار ډرون په فابریکه کې لویه اورلګیدنه رامنځته شوه

د اوکراین په پلازمینه کیف کې د ترکي شرکت بایرکتار ډرون فابریکه تیره شپه ( د وږی ۶ مه ۱۴۰۴ ) د دوو روسي اسکندر-ایم بالستیک توغندیو له امله وویشتل شوه او اور یې واخیست.

فابریکه، چې د جوړولو په حال کې وه او د TB2 او AKINCI ډرونونو د تولید لپاره ډیزاین شوې وه، د پام وړ زیان سره مخ شوه.

بایرکتار له ۲۰۱۹ راهیسې په اوکراین کې دا تاسیسات چلوي او د ۲۰۲۲ کال په فبروري کې د ترکیې-اوکراین د فضايي همکارۍ تړون لاسلیک کولو سره یې د سیمه ایزو ډرونونو تولید پراخ کړی دی.

اوکرایني چارواکو راپور ورکړی چې د برید پرمهال شاوخوا ۶۰۰ کارګران په خوندي ډول ایستل شوي، مګر د زیان یا احتمالي تلفاتو د کچې په اړه یې نور جزئیات نه دي ورکړي.

د ایکس ټولنیزې شبکې ځینو سرچینو ادعا کړې چې برید د اوکراین د ډرون تولید ظرفیت ته لوی زیان رسولی، که څه هم دا معلومات لا تر اوسه په رسمي ډول تایید شوي ندي.

د دې خبر پورې اړوند ویډیو د لاندې لینک څخه وګورئ.

https://t.me/SafirTelevision1/25125