خبري سرچینو د دمشق په جنوب کې لږترلږه ۱۶ اسراییلي هوايي بریدونه راپور کړي، چې ځینې یې د سوریې د پوځ د ۴۴مې فرقې مرکزي دفتر په نښه کړی دی.
د الجزیرې په وینا، د اسراییلو پوځ د دمشق په څنډه کې د الکسوه ښار په پوځي اډه کې هوایي عملیات ترسره کړي او خپل ځانګړي ځواکونه یې په سیمه کې ځای پر ځای کړي دي.
د راپورونو له مخې، څلور اسراییلي چورلکې د سویدا ولایت ته ننوتې او د رژیم ځانګړي ځواکونه یې په سیمه کې ښکته کړي دي.
عبراني رسنیو هم تایید کړې چې د اسراییلو ځانګړي ځواکونه د دمشق څنډو ته رسیدلي او په الکسوه کې یې پوځي تجهیزات ویجاړ کړي دي.
د ګولاني ځواکونو د اسراییلي ځواکونو سره د ښکیلتیا څخه ډډه کړې، او اسراییلي پوځ په سیمه کې لسګونه سرتیري او استخباراتي تجهیزات ځای پر ځای کړي دي.
د سانا خبري اژانس اعلان وکړ چې د دمشق په جنوب کې جبل المنا ته نږدې د سوریې د پوځ د ګزمې په جریان کې، د څارنې او اوریدلو وسایل وموندل شول، او د دې وسایلو د بې طرفه کولو هڅه کولو پرمهال، سیمه ناڅاپه د اسراییلو د هوايي بریدونو لخوا په نښه شوه.
د خبرونو پورې اړوند ویډیو د لاندې لینک څخه وګورئ
https://t.me/SafirTelevision1/25099?single
