د دوشنبې په ورځ (د وږی ۲ ۱۴۰۴) د حیرتان-مزار شریف پر سړک په ترافیکي پیښه کې درې کسان مړه او څلور نور ټپیان شول.
د بلخ ولایت د پولیسو د قوماندانۍ د مطبوعاتي دفتر د معلوماتو له مخې، پیښه هغه وخت رامنځته شوه کله چې د پکنیک ډوله موټر له سړک څخه ووت.
ټپیان سمدلاسه د امنیتي ځواکونو لخوا د ابو علي سینا بلخي سیمه ایز روغتون ته یوړل شول او طبي پاملرنه یې ترلاسه کړه.
سیمه ایز چارواکي د پیښې د اصلي لاملونو په اړه پلټنه کوي او له موټر چلوونکو څخه یې غوښتي چې د سرعت محدودیت په پام کې نیولو او ډیر احتیاط سره د ورته پیښو څخه مخنیوی وکړي.
