دوشنبې په سهار (۲۷ زمرۍ ۱۴۰۴)، اسراییلي جنګي الوتکو د الزیتون په سیمه کې، چې د غزې په شمالي برخه کې د غزې ښار یو له لویو او زړو سیمو څخه دی، سخته بمباري وکړه.
د خپرو شویو راپورونو له مخې، دا بریدونه، چې د جنګي الوتکو او توپخانې په کارولو سره ترسره شوي، لاهم روان دي او د سیمې استوګنې زیربنا ته یې دروند زیان اړولی دی.
د اروپا مدیترانې د بشري حقونو څار سازمان اعلان وکړ چې د اسراییلو رژیم په سیستماتیک ډول د الزیتون سیمه ویجاړوي او د هغې اوسیدونکي په زوره بې ځایه کوي.
سازمان راپور ورکړی چې له شپږو ورځو راهیسې، په سیمه کې شاوخوا ۴۰۰ کورونه ویجاړ شوي او د ملکي وګړو جسدونه لاهم د کنډوالو لاندې دي.
سیمه ییزو سرچینو او خبري شبکو لکه الجزیره راپور ورکړی چې د بریدونو شدت د سیمې اوسیدونکي اړ کړي چې له خپلو کورونو وتښتي.
ځینو سرچینو د صفد ښوونځي ته نږدې د الدحدوه کورنۍ د کورونو په بمبارۍ کې د لږترلږه ۵۰ کسانو د شهادت راپور ورکړی، چې بې ځایه شوي کسان پکې اوسېدل.
د خبرونو پورې اړوند ویډیو د لاندې لینک څخه وګورئ
https://t.me/SafirTelevi
