اسراییلو پوځ په رسمي ډول اعلان وکړ چې د یمن په پلازمینه صنعا کې یې د پوځي عملیاتو په ترڅ کې د انرژۍ زیربنا په نښه کړې ده.
رژیم دا هم ادعا وکړه چې د صنعا په څنډو کې یې څو هدفونه بمبار کړي دي.
د الجزیرې په وینا، د یمن په پلازمینه کې دوه لوړې چاودنې اوریدل شوي، او ځینو سیمه ایزو خبري سرچینو د سوېلی صنعا په حزیز سیمه کې د بریښنا په فابریکه د برید راپور ورکړی، چې له امله یې په ښار کې لویه اورلګیدنه او لنډمهاله بریښنا قطع شوې ده.
د بریدونو په ځواب کې، د یمن د انصارالله غورځنګ د سیاسي دفتر غړي، حزام الاسد وویل: “جنایتکار او مفلس دښمن یوازې د خدماتو مرکزونه او ملکي زیربناوې په نښه کوي.”
دا برید څو ورځې وروسته له هغه وشو چې یمني انصارالله د تل ابیب په بن ګوریون هوايي ډګر کې د سوپرسونیک “فلسطین ۲” توغندي په کارولو سره د توغندیو برید مسؤلیت په غاړه واخیست.
د خبري سرچینو دا اقدام د نیول شویو سیمو په اهدافو باندې د انصارالله د وروستیو توغندیو او ډرون بریدونو په ځواب کې بیان کړ.
د خبرونو اړوند ویډیو په لاندې لینک کې وګورئ
https://t.me/SafirTelevision1/24824
