بلخ د کرنې، اوبو لګولو او مالدارۍ ریاست کارمندانو د بلخ ولایت په چمتال ولسوالۍ کې د بند او محافظوي دیوال د پروژې د جوړولو څخه لیدنه وکړه او څارنه یې وکړه.
دا پروژه چې د ACTED دفتر سره په همکارۍ پلي کیږي، د ځمکې لاندې اوبو د پیاوړتیا او د موسمي سیلابونو له امله د زیانونو مخنیوي لپاره ډیزاین شوې ده.
په دې پروژه کې د اوبو ذخیره کولو لپاره د بند جوړول او د سیلابونو کنټرول لپاره د محافظوي دیوال جوړول شامل دي، چې د چارواکو په وینا، به د اوبو سرچینو مدیریت ښه کولو او په سیمه کې د کرنیزو ځمکو په ساتنه کې مهم رول ولوبوي.
د کرنې ریاست د کارمندانو لیدنه د کار پرمختګ بیاکتنې، د پلي کولو کیفیت ډاډمن کولو او د شریکو ادارو سره د همغږۍ لپاره ترسره شوه.
ځایی چارواکو وویل چې دا پروژې به نه یوازې د کرنې پراختیا او د کرنیزو ځمکو د حاصلخیزې زیاتوالي کې مرسته وکړي، بلکې د کاري فرصتونو په رامینځته کولو سره به د سیمې د بزګرانو او اوسیدونکو اقتصادي وضعیت هم ښه کړي.
د ACTID دفتر پخوا په نورو ولایتونو کې ورته پروژې پلي کړې دي، پشمول د کرنیزو کڅوړو ویشل او د اړمنو کورنیو ملاتړ.
