د فلسطین د پوښتنې د سوله ایز حل لارې او د دوو دولتونو د حل لارې د پلي کولو په اړه نړیوال کنفرانس، چې د سعودي عربستان او فرانسې په ګډه مشري کې ترسره شو، د سې شنبې په ورځ (د زمرۍ په ۷ مه) په نیویارک کې د ملګرو ملتونو په مرکزي دفتر کې پای ته ورسید.
دغه کنفرانس، چې د مختلفو هیوادونو د بهرنیو چارو وزیرانو او لوړ پوړو چارواکو پکې ګډون کړی و، د یو خپلواک فلسطیني دولت د جوړولو او د فلسطین-اسرائیل شخړې د پای ته رسولو پر اړتیا ټینګار وکړ.
د برتانیا د بهرنیو چارو وزیر ډیویډ لامي په خپله وینا کې د بنیامین نتانیاهو د کابینې د دوو دولتونو د حل لارې مخالفت یوه “اخلاقي او ستراتیژیکه تېروتنه” وبلله او اعلان یې وکړ چې برتانیا، چې د صهیونیسټ رژیم په جوړولو کې خپل تاریخي مسؤلیت په پام کې لري، غواړي د ۲۰۲۵ کال په سپتمبر کې د فلسطین دولت په رسمیت وپیژني.
لامي هیله څرګنده کړه چې دا اقدام به په غزه کې اوربند ته لار هواره کړي او له اسراییلو یې وغوښتل چې د میشت ځایونو جوړول، تاوتریخوالی او د ځمکې الحاق ودروي.
د سعودي د بهرنیو چارو وزیر فیصل بن فرحان هم د کنفرانس د وروستي سند د تصویب اعلان وکړ، کوم چې د دوو دولتونو د حل لارې د پلي کولو لپاره عملي چوکاټ چمتو کوي.
