د ټولګټو وزارت اعلان وکړ چې د کندهار-هرات د اورګاډي پټلۍ د ۷۳۷.۵ کیلومتره پروژې لومړني کارونه به په دوو میاشتو کې بشپړ شي.
دا پروژه، چې د دریو کورنیو شرکتونو لخوا د ۲۶۴ ملیون افغانیو په لګښت پلي کیږي، تر اوسه پورې ۴۰ سلنه پرمختګ ته رسیدلې ده، او ټاکل شوې ده چې د هغې لومړنۍ سروې او ډیزاین مرحلې په راتلونکو دریو میاشتو کې بشپړې شي.
له بلې خوا، د ټولګټو وزارت استازی عبدالرحمن مجاهد وویل: “دا پروژه په دوو برخو (لاټونو) کې ده چې ۱۳۷.۷ کیلومتره او ۱۷۱ کیلومتره لري، او تر اوسه پورې یې له ۳۰ څخه تر ۴۰ سلنې پورې پرمختګ ته رسیدلی دی.”
دا پروژه به نه یوازې د اورګاډي زیربنا پراختیا او د خواف-هرات د اورګاډي پټلۍ له لارې افغانستان له ایران سره وصلولو کې مرسته وکړي، بلکې د یو شمیر خلکو لپاره یې د کار فرصتونه هم رامینځته کړي دي.
د سروې او ډیزاین له بشپړېدو وروسته، د دې پټلۍ جوړول به په پنځو مرحلو کې پیل شي او تمه کیږي چې د سیمه ییزې سوداګرۍ او ترانزیت په پیاوړتیا کې مهم رول ولوبوي.
