د باخبره سرچینو په وینا، د اسلامي امارت یوه پلاوي چې مشري یې د صنعت او سوداګرۍ مرستیال وزیر احمدالله زاهد کوله، د پاکستان د سوداګرۍ وزارت له لوړ پوړي پلاوي سره وکتل او د سوداګرۍ د پراختیا، د ټرانزیټ اسانتیاوو د ښه کولو او د دوه اړخیزو همکاریو د پیاوړتیا په اړه یې بحث او نظرونه تبادله کړل.
باخبره سرچینو زیاته کړه چې دواړه لوري د ځینو افغان صادراتي توکو د ګمرکي تعرفو د کمولو لپاره یوې لومړنۍ موافقې ته رسیدلي دي ترڅو د دواړو هیوادونو ترمنځ د صادراتو حجم زیات شي.
دا خبرې اترې د کابل او اسلام آباد ترمنځ د سوداګریزو او اقتصادي اړیکو د پیاوړتیا لپاره ترسره شوې.
