د المیادین شبکې په وینا، د تاس خبري اژانس په حواله، د روسیې د پوځ د هوايي دفاع سیسټمونو وکولای شول چې په دریو ساعتونو کې د بریانسک، کالوګا، اوریل او ریاضان سیمو کې ۲۴ اوکرایني بې پیلوټه الوتکې ویشتلي.
همدارنګه، د دې بریدونو له امله، د مسکو په ژوکوسکي او دومودیدوو هوايي ډګرونو کې د الوتکو په الوتنو لنډمهاله محدودیتونه لګول شوي دي.
په ورته وخت کې، د روسیې د بهرنیو چارو وزارت ویاندې ماریا زاخارووا، د جګړې په ډګر کې د هیواد د پوځ بریالیتوبونو ته په اشارې سره وویل چې د اوکراین د وسله والو ځواکونو ماتې ورځ په ورځ څرګنده کیږي.
هغې ټینګار وکړ چې د ګواښونو، الټیمیټمونو او بلیک میل ژبه د روسیې لپاره د منلو وړ نه ده او مسکو به د خپل امنیت ډاډمنولو او د خپلو ملي ګټو د ساتنې لپاره ټول اړین اقدامات وکړي.
