د سوریې په سویدا ولایت کې د دروز ملیشو او سني بدو قبیلو ترمنځ مرګونې نښتې، چې د یکشنبې په ورځ په سویدا-دمشق کې پیل شوې، له ۵۰۰ څخه ډیر یې وژلي دي.
هغه تاوتریخوالی، چې د مقاواس په سیمه، ثعله هوايي ډګر او د سورة الکبیره په کلي کې وسله والو نښتو ته رسیدلی، د بشار الاسد له نسکوریدو راهیسې یو له وژونکو قومي کړکیچونو څخه دی.
د سوریې د موقت حکومت د دفاع وزارت د وضعیت د کنټرول لپاره سیمې ته سرتیري لیږلي دي، مګر ځینې وختونه نښتې لاهم روانې دي.
د اسراییلو رژیم د دروز په ملاتړ کې د حکومتي ځواکونو په پوستو هوایی بریدونه کړي او د دروز د ساتنې لپاره یې د ځواک په دوامداره کارولو ټینګار کړی دی.
دا عمل د سوریې د موقت ولسمشر احمد الشرع له سخت غبرګون سره مخ شو، چې اسراییل یې د سوریې د ویشلو په هڅه تورن کړ.
د عربي قبایلو عالي شورا د عمومي تحرک اعلان کړی، چې له سوریې، عراق او اردن څخه لسګونه زره قبایلي ځواکونه سویدا ته لیږي.
د خبرونو پورې اړوند ویډیو د لاندې لینک څخه وګورئ
https://t.me/SafirTelevision1/23975?single
