د باخبره سرچینو په وینا، د پاکستان په بلوچستان ایالت کې نامعلومو وسله والو په یوه وحشتناک عمل کې د بس ۹ مسافر تښتولي او وژلي دي.
دا پیښه د پاکستان په جنوب لویدیځ کې په یوه نارامه سیمه کې رامنځته شوې ده.
سیمه ییزو پاکستاني چارواکو اعلان وکړ چې وسله والو بریدګرو د مسافرو بس په یوه لویه لاره ودراوه او د مسافرو د هویت له کتلو وروسته یې ۹ کسان، چې ډیری یې د پنجاب ایالت وو، له بس څخه را وایستل او په ډزو یې ووژل.
هدفي برید یو ځل بیا په بلوچستان ایالت کې د ناامنۍ په اړه اندیښنې زیاتې کړې دي، او تر اوسه پورې هیڅ ډلې د برید مسؤلیت نه دی منلی.
د بلوچستان وزیر اعلی سرفراز بګټي دا عمل “بدمرغه او بزدلانه” وباله او ژمنه یې وکړه چې د دې جرم عاملین به وپیژندل شي او سزا به ورکړل شي.
