د افغانستان د فوټبال فدراسیون اعلان وکړ چې د مرکزي آسیا د ملتونو (کافا) د ۲۰۲۵ کال د ګروپ په پړاو کې د افغانستان د ملي فوټبال ملي لوبډلې سیالان ټاکل شوي دي.
د هغو معلوماتو له مخې چې تېره شپه یې په فیسبوک پاڼه کې خپاره شوي، د سیالیو د دوهم پړاو د قرعه اندازۍ په مراسمو کې، د افغانستان ملي لوبډله د ایران، تاجکستان او مالیزیا د پیاوړو لوبډلو سره په “B” ګروپ کې شامله شوې ده.
په “A” ګروپ کې، د ازبکستان، قرغزستان، ترکمنستان او عمان لوبډلې به یوځای سیالي وکړي.
دا سیالۍ به د اګست له ۲۹ څخه تر سپتمبر ۸، ۲۰۲۵ پورې ترسره شي، چې د تاجکستان او ازبکستان اته لوبډلې به پکې ګډون وکړي.
د “A” ګروپ سیالۍ به په ازبکستان کې او د “B” ګروپ سیالۍ به په تاجکستان کې ترسره شي.
د هیواد د فوټبال فدراسیون په دې ټورنمنټ کې د قوي شتون لپاره د ملي لوبډلې چمتووالی اعلان کړی او هیله لري چې ملي لوبډله وکولی شي د ښه فعالیت له لارې افغانستان ته ویاړ راوړي.
