د ملګرو ملتونو د سرمنشي مرستیالې د افغانستان لپاره د ځانګړې استازې اندریکا راتواته، په بروکسل کې د افغانستان لپاره د اروپايي ټولنې د لوړ پوړو چارواکو په غونډه کې د افغانستان لپاره د نړیوالې مرستې غوښتنه وکړه.
ښاغلي راتواته خبرداری ورکړ چې افغانستان ته د مرستو د پام وړ کمښت د هیواد د خلکو په ژوند مستقیمه اغیزه کړې او خلک د روغتیایی مرکزونو د تړلو له امله خپل ژوند له لاسه ورکوي.
هغه زیاته کړه چې د ملګرو ملتونو ادارې اوس اړ دي چې په هیواد کې تر ټولو زیان منونکو خلکو ته مرستې چمتو کړي.
په افغانستان کې د ملګرو ملتونو د بشري مرستو همغږي کوونکي په غونډه کې زیاته کړه چې د لسیزو جګړو، اقتصادي سقوط، د اقلیم بدلون او د بنسټیزو خدماتو د سقوط له امله افغانستان په بحران کې ډوب شوی دی، او لګول شوي محدودیتونه، په ځانګړې توګه د ښځو حقونو، وضعیت خراب کړی دی.
دا غونډه د جون له ۱۶ څخه تر ۱۷ پورې په بروکسل کې ترسره شوه.
