د ټیلیګراف ورځپاڼې د برتانوي ځانګړو ځواکونو (اس ای اس) د پخواني قوماندان ایډ بټلر له قوله ویلي چې په افغانستان کې د ځانګړو ځواکونو لخوا د جنګي جرمونو په اړه روانو تحقیقاتو په اردو کې د استخدام په پروسه منفي اغیزه کړې ده.
د برتانوي پوځ پخواني قوماندان د برتانوي ځانګړو ځواکونو په اړه نوي تورونه “احساساتي او ډراماتیک” وبلل او خبرداری یې ورکړ چې دوی کولی شي په اردو کې د سرتیرو د استخدام او ساتلو په برخه کې موجوده ستونزې نورې هم زیاتې کړي.
بټلر د چهارشنبې په ورځ ټیلیګراف ته دا هم وویل چې برتانوي ځانګړي ځواکونه، په شمول د هوايي او سمندري خدماتو، اوس اندیښنه لري چې یو وکیل یا ژورنالیست ممکن د دوی په وړاندې ۱۰ یا ۲۰ کاله وروسته اقدام وکړي.
