د متحده عربي اماراتو د بهرنیو چارو وزارت په هغه هیواد کې د اسلامي امارت د قونسل جنرال عبدالرحمن فدا باورلیکونه منلي دي.
په بیان کې ویل شوي چې په دوبۍ کې د متحده عربي اماراتو د بهرنیو چارو وزارت د دفتر رییس مکتوم بن بطی المکتوم په یوه رسمي غونډه کې د عبدالرحمن فدا باورلیکونه ترلاسه کړل او هغه ته یې هرکلی ووایه.
د بیان له مخې، هغه د متحده عربي اماراتو او افغانستان ترمنځ د سیاسي، اقتصادي، سوداګریزو او پانګونې اړیکو څخه رضایت څرګند کړ.
