پنځو باخبره سرچینو مخکې اعلان کړی و چې د سپینې ماڼۍ د ملي امنیت شورا لسګونه کارمندان د ټرمپ د دې ځواکمنې ادارې د اندازې او ساحې د کمولو د اقدام د یوې برخې په توګه له دندې ګوښه شوي دي.
د عبراني رسنۍ “کان” لیکلي: د امریکا د ملي امنیت شورا څخه د اسراییلو پلوه لوړ پوړي چارواکي لرې شوي دي.
کان چینل زیاته کړه: د دې چارواکو په منځ کې ایریک ټریګر هم دی، چې په سپینه ماڼۍ کې د اسراییلو او منځني ختیځ مسلو مسؤل و.
سرچینو رویټرز ته دا هم وویل: “هغه کارمندان چې د اوکراین څخه تر کشمیر پورې د ډیری لویو جیوپولیتیک مسلو سره معامله کوي، د جمعې په ماسپښین له دندو ګوښه شول.”
دا اقدام څو اونۍ وروسته له هغه وشو چې د امریکا د بهرنیو چارو وزیر مارکو روبیو د مایک والټز پر ځای د ملي امنیت سلاکار وټاکل شو.
