د جرمني رسنیو راپور ورکړی چې د جمعې په ماښام د هامبورګ د اورګاډي په تم ځای کې د چاقو په برید کې ۱۲ کسان ټپیان شوي دي، چې د ځینو یې حالت “جدي” دی.
د جرمني ورځپاڼې بیلډ لیکلي: “په دې پیښه کې د ځینو ټپیانو حالت نازک دی او د جرمني فدرالي پولیسو د برید په تړاو یوه ښځه نیولې ده.”
ورځپاڼې په خپل بیړني راپور کې زیاته کړه: “د دریو کسانو حالت نازک دی، درې یې جدي ټپیان دي او شپږ یې لږ ټپیان دي.”
د دې برید او د هغې د “ترهګریز” ماهیت نور جزئیات لا نه دي مشخص شوي.
اړونده ویډیو د لاندې لینک څخه وګورئ.
https://t.me/SafirTelevision1/21671?single
